Orang jaman sakarang ni hampir sama ju dwng orang jaman dulu. Ya iya to bro, maksud beta, dong sama-sama Orang ha. Hehehe...itu su, lalu apa yang berubah. Kemungkinan, jaman sa yang berubah..eh, serius nih. Banya orang dong pikir kalo dong su harus tarima apa yang jadi dong pung hak, kalo b liat disini, dong manuntut supaya kalo bisa na dong bisa dapa itu bagian dari "sesuatu". Padahal, yang disyaratkan dari " sesuatu" itu adalah Ujian. Sama to, itu ana kalas satu esde minta diperlakukan sama ke anak kelas satu esempe. Karmana bisa, dong balom sampe itu proses, lah dong masih harus menjalani itu proses, sonde bisa lompat bagitu sa. Kan keliatan ke asing sa bagi batong. Tapi, katong kurang baik dalam memandang orang yang mengejar secara terburu-buru, tergesa-gesa, maju-mundur, apalai. Anggap macam ke biasa sa. Mau omong apa su kalo bagitu. Tapi kenyataan hang. Beta ju bagitu, kadang b pikir, ko itu bukan b pung urusan na, kanapa b musti repot. Apakah beta harus barenti deng orang pung bahasa, lu diam lu aman. Dulu b mungkin bagitu, tapi sakarang b su mulai ambil peran, bukan mau bikin sandiwara, sekadar ingin mengarahkan cerita sa.
No comments:
Post a Comment